Davao City – Nasabat ang tinatayang Php480,000 halaga ng marijuana plant sa isinagawang marijuana eradication ng mga tauhan ng Los Amigos Police Station 20 sa Brgy. Talandang, Tugbok District, Davao City, noong Mayo 08, 2022.
Kinilala ni PMaj Elisa Ramirez, Station Commander ng nasabing istasyon ang suspek na si alyas “Rene” na sinasabing nangangalaga sa nasabing tanim ng mga marijuana.
Ayon kay PMaj Ramirez, nadiskubre ang nasabing taniman matapos magreport ang Punong Barangay at Kagawad nito sa PNP na may hinihinalang taniman ng marijuana sa nasabing lugar.
Dagdag pa ni PMaj Ramirez, nakuha mula sa lugar ang 15 tanim na puno ng marijuana at seedling na may bigat na humigit kumulang apat na kilo na may Standard Drug Price na Php480,000 na kaagad namang dinala sa Davao City Forensic Unit para sa tamang disposisyon.
Ang tagumpay ng nasabing operasyon ay isinagawa sa pamamagitan ng magandang pakikipag-ugnayan ng mga mamamayan sa PNP PRO11 sa ilalim ng pamumuno ni PBGen Benjamin Silo Jr, Regional Director.
###
Panulat ni Patrolman Alfred Vergara
