Cebu – Arestado ang dalawang drug suspek matapos makumpiskahan ng nasa halos kalahating milyong halaga ng shabu sa inilunsad na buy-bust operation ng pulisya noong Miyerkules, Enero 18, 2023.
Kinilala ni Police Lieutenant Colonel Randy Caballes, Chief of Police, ang mga suspek na sina Eduardo Sestos, 22, residente ng Sitio Magsaysay, Barangay Suba, Cebu City at si Bernie Prajes, 43, residente ng Sitio Culis, Brgy. Candulawan, Talisay City.
Ayon kay PLtCol Caballes, sina Sestos at Culis ay inaresto dakong 9:35 ng gabi ng mga operatiba ng Talisay City Police Station sa Purok Macupa, Zone 5, Barangay Dumlog, Talisay City, Cebu.
Ayon pa kay PLtCol Caballes, nasabat mula sa suspek ang nasa 70 gramo ng shabu na may Standard Drug Price na Php476,000, isang black sling bag, at buy-bust money.
Nahaharap ang mga suspek sa kasong paglabag sa Sec. 5 at 11, Sec. II ng RA 9165 o Comprehensive Dangerous Drugs Act of 2002.
Tiniyak ng Talisay CPS sa pamumuno ni PLtCol Caballes na ang maayos at epektibo na hakbang sa pagsugpo sa problema sa ilegal na droga sa lungsod maging sa anumang uri ng kriminalidad ay kanila pang paghuhusayin at mas paiigtingin para sa kaayusan, kapayapaan, at kaligtasan ng komunidad.
