Nasabat ng mga awtoridad ang mahigit Php476,000 halaga ng hinihinalang shabu mula sa isang tulak sa inilunsad na buy-bust operation sa isang parking lot sa Sitio Puntod, Barangay Mambaling Cebu City nitong Miyerkules, Abril 2, 2025.
Kinilala ni Police Major Michael John Arandia, Station Commander ng Police Station 11, Cebu City Police Office, ang suspek na si Orgelio, 33 taong gulang, residente ng Sitio Naba, Barangay Mambaling, Cebu City.
Dakong alas-9:55 ng gabi nang isagawa ng operatiba ng nasabing istasyon ang buy-bust operation kung saan naaresto ang nasabing suspek.
Nakuha mula sa suspek ang 11 pakete ng hinihinalang shabu na aabot sa 70 gramo at may Standard Drug Price na Php476,000, brown pouch na ginamit bilang lagayan ng mga iligal na droga, at buy-bust money.
Agad na dinala sa nasabing tanggapan ang suspek habang inihahanda ang pagsasampa sa kasong paglabag sa sa Section 5 at 11, Article II ng Republic Act 9165 o ang “Comprehensive Dangerous Drugs Act of 2002”.
Ang matagumpay na operasyon ay patunay lamang na ang mga kapulisan ay nagpapakita ng kanilang kakayahan at kasanayan sa pagsugpo ng iligal na droga at pagprotekta sa kaligtasan at kaayusan ng mamamayan para sa isang mapayapa na Bagong Pilipinas.
