Tinatayang Php476,000 na halaga ng hinihinalang shabu ang nasabat mula sa isang High Value Individual sa isinagawang joint buy-bust operation ng PNP Drug Enforcement Group Special Operation Unit kasama ang iba pang mga unit sa Zone 4, Tambo, Iponan, Cagayan de Oro City nito lamang ika-10 Marso 2024.
Ayon sa report ang suspek ay isang 31 anyos at tinaguriang High Value Individual at residente ng Barangay Mauswagon, Calamba, Misamis Occidental.
Nahuli ang suspek matapos bumili ang poseur buyer ng isang maliit na sachet na naglalaman ng hinihinalang shabu sa halagang Php1,000 bill. Nakuha rin sa kanya ang 13 heat-sealed transparent plastic sachet na naglalaman ng puting crystalline substance na pinaniniwalaang shabu na humigit-kumulang 70 gramo ang bigat at tinatayang may Standard Drug Price na Php476,000, Php1,000 bill na ginamit bilang buy-bust money at iba pang mga drug paraphernalia.
Mahaharap ang mga suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang kapulisan ng Rehiyon 10 kasama ang iba pang ahensya ng pamahalaan at sa tulong ng komunidad ay hindi matitinag sa hangarin nitong gawing drug-free ang rehiyon alinsunod sa isa sa pangunahing prayoridad ng administrasyon na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Panulat ni Pat Rizza C Sajonia
