Camarines Norte – Tinatayang nasa Php476,000 na halaga ng ilegal na droga ang nakumpiska sa isang suspek na kabilang sa listahan ng High Value Individual sa inilunsad na buy-bust operation ng Camarines Norte PNP sa Barangay Bagasbas, Daet, Camarines Norte nito lamang Pebrero 4, 2023.
Kinilala ni Police Lieutenant Colonel Arnel De Jesus, Hepe ng Daet Municipal Police Station, ang suspek na si alyas “Otep”, 36, binata at residente ng Blk. 14, Lot 16, Lumina Homes, Barangay Isabang, Tayabas, Quezon.
Ayon kay PLtCol De Jesus, naaresto ang suspek bandang 11:55 ng gabi ng pinagsanib na mga operatiba ng Daet Municipal Police Station at Camarines Norte Provincial Intelligence Unit sa pakikipag-ugnayan sa PDEA RO5.
Ayon pa kay PLtCol De Jesus, nakumpiska mula sa suspek ang anim na heat-sealed transparent plastic sachet ng hinihinalang shabu na may timbang na 70 gramo na tinatayang nagkakahalaga ng Php476,000.
Mahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Patuloy na magsasagawa at magpupursige ang PNP Bikol upang maaresto ang mga tulak ng ilegal na droga na lumalason at sumisira sa buhay at kinabukasan ng ating mga kababayang nagiging biktima nito.
Source: Camarines Norte PPO
