Nasamsam ang tinatayang Php476,000 halaga ng shabu sa isang High Value Individual sa bisa ng Search Warrant na inihain ng Butuan PNP sa P-3, Barangay Ampayon, Butuan City, dakong 1:15 ng madaling araw, nito lamang Mayo 29, 2024.
Kinilala ang suspek na si alyas Jayrome, 22 taong gulang, at residente ng P-3, Barangay Ampayon, Butuan City.
Sa operasyon, nakumpiska ang kabuuang 70 gramo ng hinihinalang shabu na may Standard Drug Price na Php476,000.
Isinagawa ang operasyon sa bisa ng Search Warrant No. 2024-05-28-01 para sa paglabag ng Sec. 11 at 12 ng Artikulo II ng R.A. 9165.
Ang matagumpay na operasyon ng PNP CARAGA kontra ilegal na droga ay isang malaking hakbang sa pagpapanatili ng kaayusan at seguridad sa lipunan na nagpapakita ng tunay na determinasyon ng pamahalaan na protektahan ang mga mamamayan tungo sa isang Ligtas na Bagong Pilipinas.
Panulat ni Pat Karen A Mallillin
