Laguna – Tinatayang Php476,000 halaga ng shabu ang nakumpiska ng Laguna PNP sa dalawang High Value Individual (HVI) nito lamang Sabado, Agosto 19, 2023.
Kinilala ni Police Colonel Harold Depositar, Officer-In-Charge, Laguna Police Provincial Office, ang mga suspek na sina alyas “RR’’, residente ng San Pablo City, Laguna at alyas ‘’Cha’’, residente naman ng Sta. Cruz, Manila; pawang mga High Value Individual (HVI).
Naaresto ang dalawang suspek ganap na 2:14 ng umaga sa Brgy 2-C, San Pablo City, Laguna sa ikinasang joint Anti-illegal drug buy-bust operation ng Provincial Drug Enforcement Unit, Laguna PPO (PDEU) at ng Drug Enforcement Unit (DEU) ng San Pablo City Police Station.
Nakumpiska mula sa dalawang suspek ang pitong piraso ng transparent plastic sachet na naglalaman ng hinihinalang shabu na may tinatayang timbang na humigit kumulang 70 gramo at halagang aabot sa Php476,000, isang piraso ng Php1,000 paper bill genuine money at 49 piraso ng Php1,000 paper bill bilang boodle money, Php1,500 recovered money, isang piraso na Iphone 7+ cellphone, isang piraso ng Vivo Cellphone at isang piraso ng sling bag.
Ang dalawang suspek ay nahaharap sa kasong paglabag sa Section 5 at 11 Article 2 ng Republic Act 9165 o Comprehensive Dangerous Drugs Act of 2002.
Ang Laguna PNP ay lalo pang paiigtingin ang kampanya kontra ilegal na droga at hinihikayat ang mga mamamayan na huwag tangkilikin, umiwas sa mga bawal na gamot para mapanatili ang ligtas, maayos at mapayapang komunidad.
Source: Laguna Police Provincial Office
Panulat ni Police Staff Sergeant Donabel T Dulin
