Tinatayang nasa halos kalahating milyong pisong halaga ng hinihinalang shabu ang nakumpiska ng mga tauhan ng PNP Drug Enforcement Group Special Operation Unit 10 sa isinagawang joint buy-bust operation sa District 3, King Arthur, Barangay Puntod, Cagayan de Oro City nito lamang ika-8 ng Abril 2024.
Ayon sa report, ang suspek ay isang 31 anyos at isang High Value Individual na sangkot sa pagbili at pamamahagi ng ilegal na droga na galing sa isang indibidwal na naninirahan sa loob ng Barangay Puntod.
Narekober sa operasyon ang 11 heat-sealed transparent plastic sachets na naglalaman ng puting crystalline substance na pinaniniwalaang shabu na may timbang na humigit-kumulang 70 gramo at tinatayang may Standard Drug Price na Php476,000, at iba pang mga drug paraphernalia.
Ang PRO10 kasama ng iba pang ahensya ng pamahalaan at sa suporta ng komunidad ay hindi matitinag sa kanilang hangarin na gawing drug-free ang rehiyon alinsunod sa isa sa pangunahing prayoridad ng administrasyon na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Panulat ni Junia Tria O Molinos
