Dasmarinas, Cavite – Tinatayang Php47,600,000 halaga ng shabu ang nakumpiska sa dalawang High Value Individual sa isinagawang buy-bust operation ng DasmariƱas City PNP nito lamang Miyerkules, June 8, 2022.
Kinilala ni Police Colonel Arnold Abad, Provincial Director ng Cavite Police Provincial Office, ang dalawang suspek na si Said Ungpe y Alonto, 39, residente ng Block 51 Lot 30, Brgy. Datu Esmael, DasmariƱas City at Ali Masinger y Dimapuro, 22, residente ng Block 51 Lot 30, Brgy. Datu Esmael, DasmariƱas City.
Ayon kay PCol Abad, bandang 4:30 ng hapon naaresto ang dalawang suspek sa Brgy. Datu Esmael, DasmariƱas City, Cavite sa isinagawang buy-bust operation ng DasmariƱas City Police Station.
Ayon pa kay PCol Abad, nakumpiska sa mga suspek ang 18 pirasong knot tied plastic sachets ng hinihinalang shabu, pitong pirasong plastik sealed Guanyinwang Tea Bag na naglalaman ng hinihinalang shabu na may tinatayang bigat ng higit 7 kilo na nagkakahalaga ng Php 47,600,000, isang pirasong black samsonite back pack, isang red pouch at buy-bust money.
Ang mga suspek ay nahaharap sa kasong paglabag sa R.A. 9165 (Comprehensive Dangerous Drugs Act of 2002).
āAko ay lubos na natutuwa sa tiyaga na ipinapakita ng ating mga pulis sa pagpapatupad ng ating mandato. Ipinapangako namin ang aming patuloy na pagpapaigting ng Anti-Criminality at Law Enforcement Campaign para sa mas ligtas na probinsya ng Cavite,ā ani PCol Abad.
Source: Cavite Police Provincial Office-PIO
###
Panulat ni Patrolman Mark Lawrence Atencio
