Bacarra, Ilocos Norte – Isinuko ng isang indibidwal ang Php449,000 halaga ng pera sa Bacarra Municipal Police Station na hinihinalang ipapamahagi sa araw ng eleksyon nito lamang Lunes, Mayo 9, 2022.
Kinilala ni PMaj Arnel Tabaog, Chief of Police ng Bacarra MPS ang nagsauli na si Nicomedes Dela Cruz, 64, na residente ng Brgy. 3 San Andres II, Bacarra, Ilocos Norte.
Ayon kay PMaj Tabaog, ang pera na isinuko ni Dela Cruz ay nagmula ‘di umano sa anim na indibidwal na sina Ruel Agas y Endril, 39; Romnick Lumday y Garcia, 33; Felix Carnate y Duran, 56; at Elmer Mendoza y Bacara, 42, na pawang taga Brgy. Cabaruan, Bacarra, Ilocos Norte; Nathaniel Gudoy at Novelia Agno na parehong nakatira sa Brgy. Calioet-Libong, Bacarra, Ilocos Norte.
Dagdag pa ni PMaj Tabaog, na ang nasabing pera ay may kalakip na maliit na papel sa bawat Php3,000 halaga na may nakasulat na “Member, House of Representatives/ Vote for 1 Farinas, Ria (PDPLBN) na ipapamigay sana para sa halalan.
Ang pagturn-over ng pera ay sinaksihan ni Punong Barangay Reynold Visaya ng Brgy. Cabaruan at Brgy. Kagawad Nestor Jovellanos ng Brgy. Calioet-Libong, Bacarra, Ilocos Norte.
Samantala, ayaw naman magbigay ng kumpletong detalye ang anim na indibidwal ukol sa nasabing pera.
###
Panulat ni PSSg Marvin Jake Romero
