Timbog ang isang lalaking suspek sa isinagawang search warrant operation ng mga tauhan ng Makati City Police Station na humantong sa pagkakakumpiska ng humigit-kumulang 66 gramo ng hinihinalang shabu sa Barangay Tejeros, Makati City nito lamang Miyerkules, Marso 12, 2025.
Kinilala ni Police Colonel Jean Dela Torre, Chief of Police ng Makati CPS, ang suspek na si alyas “Vincent,” 54-anyos na lalaki.
Ayon kay PCol Dela Torre, pinangunahan ng mga tauhan ng Station Drug Enforcement Unit (SDEU) ng istasyon sa ilalim ng Search Warrant No. 25-038.
Narekober ng mga awtoridad ang isang asul na sling bag na naglalaman ng knot-tied transparent plastic bag na may hinihinalang shabu, kasama ang walong heat-sealed transparent plastic sachets na naglalaman din ng hinihinalang shabu na may Standard Drug Price na Php448,800, isang aluminum foil strip, isang digital weighing scale, dalawang pares ng gunting, apat na disposable lighter, isang pakete ng hindi nagamit na plastic sachet, tatlong Php100 bill, at isang Php50 bill.
Reklamo para sa mga paglabag sa Sections 11 at 12, Article II ng Republic Act 9165 o “Comprehensive Dangerous Drugs Act of 2002 ang kahaharapin ng naarestong suspek.
Patuloy lamang ang Makati PNP sa pagsasagawa ng mga operasyon kontra ilegal na droga at animang uri ng kriminalidad para sa isang maayos at mas ligtas na komunidad.
Source: SPD PIO
Panulat ni PMSg Remelin M Gargantos
