Narekober ang tinatayang Php444,000 halaga ng smuggled cigarettes sa ikinasang operasyon ng mga otoridad sa Barangay Siganggang, Pandami, Sulu nito lamang ika-24 ng Setyembre 2024.
Ayon sa ulat, naging matagumpay ang operasyon dahil sa pinagsanib na pwersa ng Pandami Municipal Police Station sa pangunguna ni Police Captain Rizhard L Julkanain, Officer-In-Charge, katuwang ang Provincial Intelligence Unit – Sulu PPO.
Ayon kay PCpt Julkanain, nakatanggap ng tawag mula sa isang concerned citizen at agad namang tinungo ng mga operatiba at narekober mula sa isang ilalim ng puno na may takip na plastic trapal ang 12 Canon brand ng smuggled cigarettes na tinatayang nagkakahalaga ng Php444,000.
Ang matagumpay na operasyon ay patunay lamang na ang Pambansang Pulisya katuwang ang ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad at nagbibigay serbisyo na naaayon sa mga programa ni Pangulong Ferdinand R. Marcos Jr., na magkaroon ng maunlad at maayos na bagong Pilipinas.
Panulat ni Patrolwoman Ma. Señora J Agbuya
