Nasabat ang tinatayang Php442,000 halaga ng hinihinalang shabu mula sa isang High Value Individual (HVI) nito lamang Agosto 17, 2024 sa Purok Galingan, Barangay Mankilam, Tagum City, Davao del Norte.
Kinilala ni Police Lieutenant Colonel Wildemar T Tiu, Chief of Police ng Tagum City Police Station, ang suspek na si alyas “Harvey”, 40 anyos at residente ng nasabing lugar.
Ang suspek ay naaresto sa isinagawang buy-bust operation ng nasabing istasyon katuwang ang RPDEU 11, 1st Davao Norte PMFC at Davao Norte PIU at narekober mula sa suspek ang humigit kumulang 65 gramo ng hinihinalang shabu.
Mahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang suspek.
Samantala, ang mga tauhan ng Police Regional Office 11 ay patuloy na nagsusumikap upang labanan ang kriminalidad alinsunod sa kampanya ng Bagong Pilipinas na panatilihin ang kapayapaan at kaayusan tungo sa pagsulong ng bansa.
Panulat ni Patrolwoman Shairra Rose A Aquino
