Zamboanga City –Tinatayang Php442,000 halaga ng shabu ang nasabat sa Pal-Xray ng Aviation Security Unit 9 nito lamang Martes, Hulyo 5, 2022.
Ayon kay Police Brigadier General Andre Dizon, Director ng PNP Aviation Security Group, na bandang alas-12:50 ng tanghali habang nagsasagawa ng Pal-Xray ang mga tauhan ng Aviation Security Unit 9 nang maharang ang isang bagahe na pinaghihinalaang naglalaman ng kontrabando na ipinadala sa JRS Cargo na galing kay Cassandra Lopez, residente ng Brgy. San Roque, Zamboanga City at ipapadala kay Godofredo Anasis, residente ng Brgy. Sta. Monica, Purok Sampaguita, Block 2, Puerto Princesa, Palawan.
Ayon pa kay PBGen Dizon, nakumpiska sa bagahe ang isang Red Toy Truck na may nakatago sa loob at nakabalot sa tire interior tube na tinakpan ng itim na electric tape na naglalaman ng 14 sachets ng hinihinalang shabu na tumitimbang ng 70 gramo na tinatayang nagkakahalaga ng Php442,000.
Ang PNP AVSEGROUP ay patuloy na paiigtingin ang pagbabantay sa lahat ng papasok at lalabas sa lahat ng paliparan sa Pilipinas upang suportahan ang kampanya kontra ilegal na droga at kriminalidad para sa mas mapayapa at ligtas na komunidad.
###
Panulat ni Patrolman John Ronald Tumonong/RPCADU 9
