Nasabat ang tinatayang Php437,920 na halaga ng hinihinalang shabu mula sa dalawang drug personality sa isinagawang buy-bust operation sa Barangay Wilfredo Aquino, Cabaguio Street, Davao City nito lamang madaling araw ng Miyerkules, ika-19 ng Pebrero 2025.
Ang nasabing operasyon ay pinangunahan ng mga operatiba ng Regional Police Drug Enforcement Unit (RPDEU) 11 katuwang ang mga tauhan ng City Drug Enforcement Unit (CDEU) sa koordinasyon sa Bajada Police Station.
Kinilala ni Police Major Maynard D Pascual, Hepe ng RPDEU 11 ang mga suspek na sina alyas “Nash”, 27 anyos na drayber at tinaguriang Top 1 City High Value Target at alyas “Jolly”, 42 anyos, na pawang mga residente ng Davao City.
Narekober mula sa mga suspek ang humigit kumulang 64.4 gramo ng shabu at iba pang non-drug items at nahaharap sa kasong paglabag sa Republic Act 9165 o mas kilala bilang “Comprehensive Dangerous Drugs Act of 2002”.
Samantala, ang laban kontra kriminalidad ay patuloy na pinapaigting ng Police Regional Office 11 sa pamumuno ni Regional Director, Police Brigadier General Leon Victor Z Rosete upang matiyak at napapanatili ang kaayusan at kapayapaan sa Davao Region.
Panulat ni Pat Shairra Rose A Aquino
