Allen, Northern Samar– Nasabat ng mga awtoridad ang Php432,000 na halaga ng undocumented lumber sa Allen, Northern Samar nito lamang Linggo, Abril 3, 2022.
Ayon kay Police Colonel Alfredo Tadefa, Provincial Director ng Northern Samar Provincial Police Office, may kabuuang 288 na piraso ng illegal cut lumber ang isinakay sa isang wing van truck ng harangin ng kapulisan ng NSPPO at ng Philippine Coast Guard sa Balwharteco Port sa bayan ng Allen.
Ayon pa kay PCol Tadefa, naaresto ang truck driver at dalawa nitong kasama nang nabigo silang maipakita ang mga dokumentong kinakailangan upang maihatid ang mga produkto.
Ang mga naaresto ay nahaharap sa kasong paglabag sa Presidential Decree 705 o Anti-illegal Logging Law.
“Hinihikayat ko ang publiko na tulungan ang mga awtoridad sa ating kampanya hindi lamang laban sa illegal logging kundi maging sa lahat ng ilegal na aktibidad, at dagdag pa nito, magiging matatag ang kampanya ng PNP laban sa illegal logging sa ilalim ng kanyang pamumuno” sabi ni PCol Tadefa.
Hinihikayat din ng pulisya ang publiko na patuloy na magbigay ng impormasyon na maaaring makatulong sa mga awtoridad sa kanilang mga pagsisikap sa pagpapatupad ng batas.
###
Panulat ni Police Master Sergeant Leah Lyn Q Valero
