Nakumpiska ng Police Regional Office 10 ang mahigit 62 gramo ng hinihinalang shabu na nagkakahalaga ng Php424,320 mula sa tatlong suspek sa isinagawang operasyon sa Bukidnon at Cagayan de Oro City nito lamang Enero 3, 2025.
Ayon kay Police Brigadier General Jaysen C De Guzman, Regional Director ng PRO 10, nagsagawa ng joint buy-bust operation ang mga tauhan mula sa Libona Municipal Police Station at sa pakikipagtulungan ng Intelligence Unit ng Bukidnon Provincial Police Office sa Zone 2B, Barangay Kiliog, Libona, Bukidnon.
Kinilala ni PBGen De Guzman ang mga suspek na sina alyas “Macmac,” 34 anyos, at alyas “Apo,” 28 anyos, kapwa residente ng Libona, Bukidnon.
Nakumpiska ang walong sachets na naglalaman ng pinaniniwalaang shabu, na may kabuuang timbang na 22 gramo at tinatayang may market value na Php149,600, kasama ang iba pang drug paraphernalia.
Sa hiwalay na operasyon, nagsagawa ng buy-bust operation ang mga tauhan mula sa Cagayan de Oro City Police Station 1 sa Barangay Pagatpat, Cagayan de Oro City na nagresulta sa pagkakaaresto kay alyas “Toto”, 59 anyos, sikad driver.
Ang operasyong ito ay humantong sa pagkakakumpiska ng 19 sachets na naglalaman ng pinaniniwalaang shabu, na may timbang na 40.4 gramo, na may tinatayang street value na Php274,720, kasama ang iba pang drug paraphernalia.
“These successful operations show how serious and determined we are in combating illegal drugs. With your continued support and cooperation, we can create safer neighborhoods and protect our communities from the dangers and harm caused by illegal drugs. Together, we can build a brighter, drug-free future for the next generation”, ani PBGen De Guzman.
