Calamba City, Laguna – Tinatayang Php421,600 halaga ng shabu ang nasabat sa dalawang suspek sa isinagawang buy-bust operation ng Calamba PNP sa Brgy. 1, Calamba City, Laguna nito lamang Biyernes, Agosto 12, 2022.
Kinilala ni Police Lieutenant Colonel Alexy Sonido, Officer-In-Charge ng Calamba City Police Station, ang dalawang suspek na sina Ronnie Ortiz Paligutan, 30, production operator, residente ng Block 59, Lot 60, Brgy. Datu Ismael, Dasmariñas City at Rosario Belmonte Caballero, 22, residente ng Purok 2, Brgy. 2, Calamba City.
Ayon kay PLtCol Sonido, bandang 8:58 ng gabi naaresto ang dalawang suspek sa naturang barangay ng mga operatiba ng Calamba City Police Station.
Nakuha sa dalawang suspek ang anim na pirasong heat-sealed plastic sachets ng hinihinalang shabu na may timbang na 62 gramo na tinatayang nagkakahalaga ng Php421,600, anim na pirasong Php100 bill, isang sling bag, isang coin purse, at dalawang pirasong Php1,000 bill na ginamit bilang buy-bust money.
Nahaharap ang dalawang suspek sa kasong paglabag sa Section 5, 11 at 26 ng Republic Act 9165 o Comprehensive Dangerous Drug Act of 2002.
Ang tagumpay ng PNP laban sa ilegal na droga at iba pang krimen ay bunga ng pinaigting na pakikipag-ugnayan at suporta ng mamamayan para manatiling ligtas at maayos ang komunidad.
###
Panulat ni Police Executive Master Sergeant Joe Peter Cabugon
