Nasamsam ng mga miyembro ng Rodriguez Police Station Drug Enforcement Team ang Php421,600 halaga ng hinihinalang shabu sa dalawang High Value Individuals (HVI) sa ikinasang buy-bust operation sa Barangay San Jose, Rodriguez, Rizal nito lamang Hulyo 27, 2024.
Kinilala ni PLtCol Arnulfo M Selencio, hepe ng Rodriguez Municipal Police Station, ang mga suspek na sila alyas “Rey”, lalaki, 34 taong gulang at alyas “Raffy”, 37 taong gulang, pawang mga residente ng Barangay San Jose, Rodriguez, Rizal at nakalista bilang HVI sa Rizal PPOs Drug Watchlist.
Narekober sa mga suspek ang siyam na pirasong heat-sealed plastic sachet na naglalaman ng hinihinalang shabu na may bigat na humugit kumulang 62 gramo na nagkakahalaga ng Php421,600 at drug bust money.
Ang mga suspek ay mahaharap sa kasong paglabag sa Section 5 at 11, Article II ng Republic Act 9165 o Comprehensive Dangerous Drugs Act of 2002.
Patuloy ang Pambansang Pulisya katuwang ang iba pang ahensya ng gobyerno sa pagsugpo at paglaban sa kriminalidad ng ating bansa patungo sa mas maayos, matiwasay at ligtas na Bagong Pilipinas.
Source: Rizal PNP
Panulat ni Pat Maria Sarah P Bernales
