Umabot sa Php420,000 halaga ng shabu ang nakumpiska sa tatlong suspek matapos magsagawa ng buy-bust operation ang mga tauhan ng Makati City Police Station nito lamang Huwebes, ika-11 ng Enero 2024.
Kinilala ni PBGen Mark Pespes, Officer-In-Charge ng Souhtern Police District, ang mga nadakip na sina alyas “Negs”, 34; alyas “Ranny”, 29; at alyas “Balen”, 41.
Ayon kay PBGen Pespes, nanguna sa naganap na joint operation ang Makati City Police Station Drug Enforcement Unit at San Isidro Police Substation, sa kahabaan ng P. Medina Street, Barangay Pio Del Pilar, Makati City, bandang alas 4:30 ng hapon na naging dahilan upang maaresto ang mga suspek.
Narekober ng pulisya ang isang single knot-tied at 15 heat-sealed transparent plastic sachet na naglalaman ng pinaniniwalaang shabu na humigit-kumulang 62 gramo ang bigat na nagkakahalaga ng Php421,600; isang Php1,000 na buy-bust money; bag, blue Cherry Mobile na cellphone; at isang itim na pouch.
Paglabag sa Sec 5 at 11 ng Art. II ng RA 9165 o Comprehensive Dangerous Drugs Act of 2002 ang kinakasangkutan ng mga naarestong suspek.
Mananatiling alerto ang Makati PNP sa mga ilegal na aktibidad sa kanilang lugar upang hindi makapangbiktima ng mga insosenteng indibidwal ang mga taong nasa likod nito para makamit ang mapayapang komunidad.
Source: SPD PIO
Panulat ni PSSg Remelin M Gargantos
