Bakun, Benguet – Tinatayang Php420,000 halaga ng fully grown marijuana plants ang binunot at sinunog ng Benguet PNP sa Barangay Kayapa, Bakun, Benguet noong Hulyo 20, 2022.
Ayon kay Police Captain Douglas M Akistoy Jr., Chief of Police ng Bakun Municipal Police Station, naging matagumpay ang ipinatupad na marijuana eradication ng mga pinagsanib na puwersa ng mga operatiba ng Bakun Municipal Police Station, Benguet Police Provincial Office Intelligence Unit, at Drug Enforcement Unit.
Nagresulta ang operasyon sa pagkadiskubre ng 2,100 na piraso ng halamang marijuana na nakatanim sa isang pampublikong lupain na nagkakahalaga ng Php420,000 Standard Drug Price.
Samantala, walang nahuling cultivator ng marijuanaa subalit patuloy ang imbestigasyon ng pulisya upang matukoy at mapanagot ang mga lumabag sa batas.
Siniguro naman ni Police Captain Akistoy Jr. na mas lalong paiigtingin pa ng Pambansang Pulisya ang pagpapatupad ng marijuana eradication upang higit na mabantayan ang lugar laban sa mga nagtatanim ng mga ilegal na halaman.
Source: Bakun MPS
###
