Tinglayan, Kalinga – Tinatayang Php42,960,000 halaga ng marijuana ang nadiskubre ng mga awtoridad sa Sitio Silay, Poblacion,Tinglayan, Kalinga nito lamang Biyernes, Disyembre 23, 2022.
Ayon kay Police Captain Luis Bulao Jr, Chief of Police ng Tinglayan MPS, nakatanggap ng impormasyon ang mga awtoridad sa tangkang pagpuslit ng marijuana dried leaves na nakatambak sa gilid ng National Road, Sitio Silay, Poblacion, Tinglayan, Kalinga na balak dalhin sa Tabuk City.
Ayon pa kay PCpt Bulao Jr., agad nagtungo ang mga operatiba ng Tinglayan MPS, Provincial Intelligence Unit/Provincial Drug Enforcement Unit, Regional Intelligence Division-PROCOR, Regional Police Drug Enforcement Unit at 2nd Kalinga Provincial Mobile Force Company upang iberipika ang nasabing ulat at nakumpirma ito.
Narekober sa naturang operayon ang marijuana na may kabuuang bigat na 358 kilos na may Standard Drug Price na Php42,960,000.
Hinihikayat naman ng Kalinga PNP ang mga residente na makiisa sa kampanya ng pamahalaan kontra ilegal na droga upang mapanagot ang mga taong sangkot sa pagtatanim ng marijuana sa kanilang nasasakupan na walang magandang dulot kundi wasakin ang magandang kinabukasan ng ating mga kabataan at dala ay kaguluhan sa ating pamayanan.
Source: Tinglayan Municipal Police Station
