Nasabat ng mga operatiba ng Bolinao PNP ang tinatayang Php414,800 halaga ng shabu mula sa isang High Value Individual (HIV) na suspek sa isinagawang buy-bust operation sa Barangay Culang, Bolinao, Pangasinan nito lamang ika-10 ng Hulyo 2024.
Kinilala ni Police Lieutenant Colonel Radino S Belly, Chief of Police ng Bolinao Municipal Police Station, ang suspek na si alyas “Ando”, 31, residente ng nabanggit na barangay.
Ayon kay PLtCol Belly, bandang 9:30 ng umaga ikinasa ng Bolinao PNP katuwang ang operatiba ng PDEA Regional Office 1 ang operasyon na humantong sa pagkakaaresto ng suspek at pagkakasamsam ng nasa 61 gramo ng hinihinalang shabu na may tinatayang halaga na Php414,800.
Kasong paglabag sa Republic Act 9165 o ang Comprehensive Dangerous Drugs Act of 2002 ang kakaharapin ng suspek.
Siniguro naman ng buong hanay ng Bolinao Police Station na kanila pang pagbubutihin ang kampanya kontra ilegal na droga para sa maayos, ligtas at mapayapa na pamayanan tungo sa maunlad na Bagong Pilipinas.
