Nakumpisa ang tinatayang Php409,000 halaga ng shabu at arestado ang isang suspek sa ikinasang joint buy-bust operation sa Barangay Casisang, Malaybalay City, Bukidnon nito lamang Oktubre 1, 2024.
Kinilala ni Police Lieutenant Colonel Virgilio David Cruz, Officer-In-Charge ng Malaybalay City Police Station, ang suspek na si alyas “Bern”, 48 anyos at residente ng nasabing lugar.
Nakumpiska mula sa suspek ang pitong pakete ng hinihinalang shabu na may bigat na 60 gramo at may Standard Drug Price na Php409,000 at isang Php1,000 bill na ginamit bilang buy-bust money.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Pambansang Pulisya ay hindi titigil sa pagpapaigting kontra ilegal na droga para sa pagpapanatili ng seguridad at kaligtasan ng mamamayan.
