Misamis Oriental – Tinatayang Php408,000 halaga ng hinihinalang shabu ang nasabat sa ikinasang joint buy-bust operation ng mga awtoridad sa Purok 2B, Brgy. Casinglot, Tagoloan, Misamis Oriental nito lamang ika-31 ng Agosto 2023.
Kinilala ni Police Captain Enrique Dungog, Officer-In-Charge ng Tagoloan Municipal Police Station, ang mga suspek na sina alyas “Lier”, 37 anyos, residente ng Brgy. Mohon, Misamis Oriental; alyas “Neil”, 35 anyos, at alyas “Fred”, 29 anyos, pawang mga residente ng Brgy. Sugbongcogon, Tagoloan, Misamis Oriental.
Ayon kay PCpt Dungog, bandang 10:45 ng umaga nang ikasa ang operasyon ng mga operatiba ng Tagoloan Municipal Police Station katuwang ang Provincial Drug Enforcement Unit – Misamis Oriental; 1st Provincial Mobile Force Company – Misamis Oriental at Criminal Investigation and Detection Group 10 na nagresulta sa pagkakadakip sa tatlong suspek.
Sa naturang operasyon nakuha ang 19 pakete ng hinihinalang shabu na may bigat na 60 gramo na tinatayang nagkakahalaga ng Php408,000; tatlong disposable lighter; isang digital weighing scale; dalawang aluminom foil; isang belt bag; isang gray pouch; isang Yamaha Sniper 150 na may Plate no. 418 KHV at isang pirasong Php1,000 bill na ginamit bilang buy-bust money.
Nahaharap ang mga suspek sa kasong paglabag sa Section 5 at 11, Article II ng RA 9165 o Comprehensive Dangerous Drugs Act of 2002.
Patuloy ang Misamis Oriental PNP sa pagsasagawa ng mga operasyon laban sa ilegal na droga at anumang uri ng kriminalidad upang mapanatiling ligtas at payapa ang ating pamayanan.
