Cagayan de Oro City – Tinatayang nasa Php408,000 halaga ng shabu ang nasakumpiska sa ikinasang buy-bust operation ng Cagayan de Oro City Police Station 8–Drug Enforcement Unit na nagresulta sa pagkakadakip sa isang High Value Individual sa Old Airport, Brgy. Lumbia, Cagayan de Oro City bandang 8:22 ng umaga nito lamang Hunyo 13, 2023.
Kinilala ni Police Major Dennis Rowell Flores, Station Commander ng Cagayan de Oro City Police Station 8, ang suspek na si alyas “Jamal”, 27 at residente ng Pinitikan, Brgy. Camaman-an, Cagayan de Oro City.
Sa naturang operasyon ay nakumpiska ang dalawang pakete ng hinihinalang shabu na may bigat na 60 gramo na may Standard Drug Price na Php408,000, isang Oppo cellphone, isang motorsiklo at isang Php1,000 bill na ginamit bilang buy-bust money.
Ang suspek ay nahaharap sa kasong paglabag sa Sec 5, Art II ng RA 9165 o Comprehensive Dangerous Drugs Act of 2002.
Ang pagkakadakip sa suspek ay bunga ng walang sawang pagsasagawa ng mga operasyon laban sa ilegal na droga ng Cagayan de Oro City PNP tungo sa maayos at ligtas na lungsod.
Panulat ni Pat Joshua Fajardo/RPCADU10
