San Pedro City, Laguna – Tinatayang Php408,000 halaga ng shabu ang nasabat sa isang High Value Individual (HVI) sa ikinasang buy-bust operation ng San Pedro City PNP nito lamang Huwebes, Oktubre 6, 2022.
Kinilala ni Police Brigadier General Jose Melencio Nartatez Jr, Regional Director ng Police Regional Office 4A, ang suspek na si Ian Carlo Reojano y Balacuit, 26, walang asawa, walang trabaho, residente ng Sitio Kubuhan, Brgy. Paliparan, Dasmariñas City, Cavite.
Ayon kay PBGen Nartatez Jr, bandang 11:19 ng gabi naaresto ang suspek sa Sitio Rustan, Brgy. Langgam, San Pedro City, Laguna ng operatiba ng Drug Enforcement Team ng San Pedro City Police Station.
Narekober sa suspek ang pitong pirasong heat-sealed transparent plastic sachets ng hinihinalang shabu na may timbang na 60 gramo at tinatayang nagkakahalaga ng Php408,000, dalawang pirasong Php1,000 bill bilang buy-bust money, dalawang pirasong Php1,000 bill bilang drug money at isang coin purse.
Nahaharap ang suspek sa kasong paglabag sa Section 5 at 11, Article ll ng Republic Act 9165 o Comprehensive Dangerous Drugs Act of 2002.
Ang San Pedro City PNP ay lalo pang paigtingin ang kampanya laban sa ilegal na droga para sa ligtas, maayos at mapayapang komunidad.
Source: Police Regional Office 4A
Panulat ni Police Staff Sergeant Donabel Dulin
