Cagayan de Oro City – Tinatayang nasa Php408,000 halaga ng shabu ang nasabat sa buy-bust operation ng Cagayan de Oro City PNP nito lamang Linggo, Disyembre 11, 2022.
Kinilala ni Police Major Aldren Baculio, Station Commander ng Cagayan de Oro City Station 8, ang dalawang suspek na si alyas “Jon” at alyas “Earl” na pawang mga residente ng Brgy. Canitoan, Cagayan de Oro City.
Ayon kay PMaj Baculio, naaresto ang dalawang suspek bandang 6:58 ng gabi sa Phase 2B, Golden 36, Camp 5, Block 10, Relocation Calaanan, Brgy. Canitoan, Cagayan de Oro City ng mga operatiba ng Cagayan de Oro City Police Station 8– Station Drug Enforcement Unit.
Nakuha sa dalawang suspek ang dalawang pakete ng hinihinalang shabu na may timbang na 60 gramo na nagkakahalaga ng Php408,000, isang Samsung keypad cellphone, isang weighing scale at isang pirasong Php500 bill na ginamit bilang buy-bust money.
Nahaharap sa kasong paglabag sa Section 5 at 11 ng RA 9165 o Comprehensive Dangerous Drugs Act of 2002 at PD 1892 o Penalizing Obstruction of Apprehension and Prosecution of Criminal Offenders.
Ang Cagayan de Oro PNP ay patuloy sa mandato sa paglaban sa ilegal na droga at kriminalidad sa kanilang nasasakupan para matiyak ang maayos at payapa na maghahatid sa kaunlaran ng nasasakupang lungsod.
Panulat ni Patrolman Joshua Fajardo/RPCADU 10
