Nasabat ng pulisya ng Nueva Vizcaya Police Provincial Office at PDEA ang Php408,000 halaga ng hinihinalang shabu sa ikinasang buy-bust operation na nagresulta sa pagkaaresto ng isang High Value Individual (HVI) matapos ang ikinasang buy-bust operation sa NIA Road, Purok 7, Brgy. Santa Rosa, Bayombong, Nueva Vizcaya nito lamang Enero 12, 2024.
Kinilala ni Police Colonel Camlon Nasdoman, Provincial Director ng Nueva Vizcaya Police Provincial Office, ang drug personality na isang 50-anyos, walang asawa, walang trabaho at residente ng Brgy. Zapote, Las Piñas City.
Ikinasa ang operasyon bandang 4:00 ng madaling araw na nagresulta ng pagkakasabat sa hinihinalang shabu na nagkakahalaga ng Php408,000 na may timbang na higit kumulang 60 gramo kasama ang iba pang mga drug paraphernalia.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang matagumpay na operasyon ay patunay lamang na ang kapulisan ay seryoso sa pagpapaigting ng kampanya laban sa ilegal na droga katuwang ang iba’t ibang ahensya ng gobyerno tungo sa mas maayos at maunlad na pamayanan.
Source: Nueva Vizcaya PPO
