Tinatayang Php408,000 halaga ng shabu ang nakumpiska sa isinagawag buy-bust operation ng Bacolod City Police Station 2 sa Prk Rose, Barangay 9, Bacolod City nito lamang ika-24 ng Abril 2025.
Kinilala ni Police Major Eugene G Tolentino, Station Commander ng Bacolod City Police Station 2, ang mga suspek na sina alyas “Dave”, 22-anyos at alyas “Mary”, 27 taong gulang at residente ng Barangay 10, Bacolod City.
Ayon pa kay PMaj Tolentino, nahuli ang mga suspek matapos na magbenta sa isang police poseur buyer.
Dagdag pa ni PMaj Tolentino, nakumpiska sa mga suspek ang limang (5) pirasong heat sealed transparent plastic sachet, isang (1) pirasong knot tied transparent plastic sachet na may bigat na 60 gramo at may Standard Drug Price na Php408,000, isang (1) euro na motorsiklo, at iba pang mga non-drug items.
Ang mga suspek ay nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Layunin ng PNP na sugpuin ang droga sa komunidad upang tiyakin ang kapayapaan, kaayusan, at kaligtasan ng bawat mamamayan.
Patuloy na nananawagan ang Bacolod City Police Office sa publiko na makipagtulungan at magsumbong sa mga awtoridad upang mapanatili ang katahimikan at kaayusan sa ating komunidad.
Panulat ni Pat Andrea Dominique Depalubos
