South Cotabato – Timbog sa ikinasang buy-bust operation ng South Cotabato PNP ang 28-anyos na lalaki na nasa listahan ng mga High Value Target nito lamang ika-4 ng Hunyo 2023.
Kinilala ni Police Brigadier General Jimili Macaraeg, Regional Director ng Police Regional Office 12, ang arestadong suspek na si alyas “Junaiden”, residente ng Plang Village 2, Kabacan, North Cotabato.
Batay sa ulat na natanggap ni PBGen Macaraeg mula kay Police Lieutenant Colonel Joseph Forro II, Hepe ng Polomok Municipal Police Station, naganap ang operasyon bandang alas-3 ng hapon sa Prk. 1, Brgy. Glamang, Polomolok, South Cotabato sa pinagsanib-pwersa ng mga tauhan ng PDEG-SOU12, Regional Police Drug Enforcement Unit 12 (RPDEU12), Provincial Drug Enforcement Unit South Cotabato Provincial Police Office at sa pakikipag-ugnyan sa hanay ng PDEA 12, RIU 12 at IMEG 12.
Nagresulta sa agarang pagkakadakip sa suspek at pagkakasabat ng dalawang sachets ng hinihinalang shabu na may tinatayang bigat na 60 gramo na nagkakahalaga ng Php408,000.
Bukod pa rito, nakuha rin mula sa pag-iingat ng suspek ang dalawang piraso ng Php1,000 bill na ginamit bilang buy-bust money, boodle money, ilang yunit ng cellular phones at iba pang personal na kagamitan.
Batay sa imbestigasyon ng awtoridad, dati nang kinasuhan ang suspek sa kasong paglabag sa Sec 5 Art II ng RA 9165 noong 2019 at nakalaya noong 2020.
“The accomplishment of this operation is an evidence of our unwavering commitment and collaborative endeavors among law enforcement agencies to persistently combat the illicit drug trade and safeguard the well-being of our citizens,” pahayag ni PBGen Macaraeg.
Panulat ni Patrolman Khnerwin Jay A Medelin/RPCADU12
