Nakumpiska ang Php408,000 halaga ng hinihinalang shabu sa ikinasang buy-bust operation ng Iligan City PNP sa Purok 11, Barangay Tomas Cabili, Iligan City nito lamang Enero 5, 2025.
Kinilala ni Police Colonel Jerry A Gambit, Acting City Director ng Iligan City Police Office, ang suspek na si alyas “Ren-ren”, 40 anyos, residente ng Purok 6, Barangay Saray, Iligan City.
Ang naturang operasyon ay pinangunahan ng mga operatiba ng Iligan City Drug Enforcement Unit katuwang ang Philippine Drug Enforcement Agency.
Nakumpiska mula sa suspek ang 60 gramo ng hinihinalang shabu na may Standard Drug Price na Php408,000 at iba pang mga paraphernalia.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Pambansang Pulisya ay hindi titigil sa pagpapaigting kontra iligal na droga para sa pagpapanatili ng seguridad at kaligtasan ng nasasakupan.
