Cagayan de Oro City – Tinatayang Php408,000 halaga ng hinihinalang shabu ang nasabat sa Top 10 Regional Level Target/High Value Individual sa ikinasang buy-bust operation sa Zone 8, Brgy. Bulua, Cagayan de Oro City nito lamang ika-11 ng Abril 2023.
Kinilala ni Police Lieutenant Colonel Demver Vergara, Hepe ng Regional Drug Enforcement Unit 10, ang suspek na si alyas “Vroy”, 34, at residente ng naturang lugar.
Bandang 3:30 ng hapon nang nadakip ang suspek ng mga operatiba ng Regional Drug Enforcement Unit 10 kasama ang Cagayan de Oro City Police Station 7 at Police Drug Enforcement Group 10.
Nakumpiska mula sa suspek ang limang pakete ng hinihinalang shabu na may bigat na 60 gramo na may tinatayang halaga na Php408,000, isang Vivo android phone at isang pirasong Php1,000 bill na ginamit bilang buy-bust money.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
“Kahit nakalabas man kayo sa bilangguan, we will still monitor your activities along with other people. If meron man kayong ginagawang illegal activity, we will not hesitate to arrest you and take legal action. We have sworn to protect the community, and that includes protecting them from the harmful effects of illegal drugs,” ani PLtCol Vergara.
Panulat ni Patrolman Joshua Fajardo/RPCADU10
