Angeles City, Pampanga – Tinatayang Php408,000 halaga ng shabu ang nakumpiska sa isang High Value Individual sa buy-bust operation ng Angeles City PNP noong Miyerkules, Abril 20, 2022.
Kinilala ni Police Major Ohmar Bognot, Acting Station Commander, Police Station 5, ang suspek na si Arc Jayson Joven y Sese, alias Jayson, 27, High Value Individual, residente ng Brgy. Cutud, Angeles City, Pampanga.
Ayon kay PMaj Bognot, ang suspek ay naaresto bandang 7:45 ng gabi sa kahabaan ng Kalayaan St., Bagong Bayan, Brgy. Cutcut, Angeles City, Pampanga ng Station Drug Enforcement Unit ng Angeles City Police Office.
Dagdag pa ni PMaj Bognot, nakumpiska sa suspek ang isang maliit na sachet ng hinihinalang shabu, isang coin purse na naglalaman ng dalawang medium sachet ng hinihinalang shabu na may kabuuang timbang na humigit kumulang 60 gramo at tinatayang nagkakahalaga ng Php408,000, isang Php500 bill na marked money at Yamaha Mio na kulay dark green.
Ang suspek ay nahaharap sa kasong paglabag sa Sec. 5 at 11 ng Art. II ng RA 9165 o Comprehensive Dangerous Drugs Act of 2002.
Ang Pampanga PNP ay patuloy na pagtitibayin ang kampanya laban sa ilegal na droga upang mapanatili ang kaayusan at kapayapaan sa lugar.
Source: Angeles City Police Office
###
Panulat ni Police Corporal Faith A Sangeles
