Butuan City – Tinatayang nasa Php408,000 halaga ng hinihinalang shabu ang nakumpiska sa isinagawang buy-bust operation ng Philippine Drug Enforcement Agency at Butuan Police Station 1 nito lamang Miyerkules, Enero 11, 2022.
Kinilala ni Police Brigadier General Pablo Labra II, Regional Director ng Police Regional Office 13, ang suspek na si alyas “Brick”, 39, residente ng Purok-5, Brgy. Tandang Sora, Butuan City.
Ayon kay PBGen Labra II, bandang 9:00 ng gabi nang isinagawa ang operasyon sa nabanggit na lugar kung saan naaresto ang suspek at nakumpiska ang isang piraso ng transparent sachet na naglalaman ng hinihinalang shabu na may timbang na 60-gramo at may Standard Drug Price na Php408,000; isang piraso ng kulay asul na Infinix Cellphone; isang vaccination card; at Php191,000 bill na ginamit bilang boodle money.
Nahaharap ang suspek sa kasong paglabag sa Section 5, Article II ng RA 9165 o Comprehensive Dangerous Drugs Act of 2002.
“Despite our intensified efforts to eradicate illegal drug menace in the region, illegal drug personalities continue to challenge our fight. For this, PNP Caraga in partnership with PDEA will step up our efforts to run after these illegal drug traders to ensure that they will be brought behind bars where they truly belong,” pahayag ni PBGen Labra II.
Panulat ni Patrolman Jhunel Cadapan/RPCADU13
