Nakuha ang tinatatayang Php400,000 halaga ng shabu sa nangyaring pamamaril kung saan isang indibidwal ang patay sa Purok 1, RCalo Street Barangay 17, Fort Poyohan, Butuan City nito lamang Marso 12, 2024.
Kinilala ang namatay na biktima na si Jonathan Biating Liang, 29, at residente ng Emenville Subdivision, Barangay Ambago, Butuan City.
Batay sa inisyal na imbestigasyon, pasado 6:00 ng gabi habang minamaneho ng biktima ang kanyang motorsiklo kasama ang dalawa nitong angkas ay nilapitan ng riding-in-tandem at pinaputukan ng apat (4) na beses.
Narekober sa pinangyarihan ng krimen ang apat (4) na basyo ng bala, isang (1) sling bag na naglalaman ng 60 gramo ng hinihinalang shabu na nagkakahalaga ng Php400,000, digital weighing scale, at pera.
Narekober din ng pulisya ang hindi pa matukoy na kalibre ng pistol na nakasuksok sa hawakan ng biktima at anim (6) na bala sa loob ng bulsa ng jacket nito.
Patuloy naman sa pagsasagawa ng imbestigasyon ang Caraga PNP upang matukoy ang motibo at pagkakakilanlan ng mga suspek maging na rin ang pinagmulan ng ilegal na droga.
Panulat ni Pat Karen A Mallillin
