Davao del Sur – Tinatayang Php400,000 halaga ng marijuana ang sinira sa isinagawang marijuana eradication ng Kiblawan PNP sa Sitio Ulo Nikit, Barangay Kimlawis, Kiblawan, Davao del Sur, noong Agosto 21, 2022.
Pinangunahan ni PCpt Ian Marc Polestico, Officer-In-Charge ng Kiblawan Municipal Police Station, ang nasabing marijuana eradication na tinawag na “Oplan Hurot” katuwang ang 1st at 2nd Davao Sur Provincial Mobile Force Company at sa pakikipag-ugnayan sa PDEA XI.
Ayon kay PCpt Polestico, aabot sa 2,000 piraso ng hinihinalang marijuana ang nabunot at nasunog sa nasabing lugar na may sukat na mahigit 500 sq. meters na lupain na may street market value na Php400,000.
Dagdag pa ni PCpt Polestico, patuloy nilang inaalam kung sino ang nagmamay-ari ng nasabing lupa upang mapanagot at masampahan ng kaukulang kaso.
Ang tagumpay ng nasabing operasyon ay bunga ng magandang ugnayan at pagtutulungan ng PNP at mamamayan na sugpuin ang ilegal na droga sa bansa.
###
Panulat ni Patrolman Alfred Vergara
