Tinatayang Php400,000 halaga ng Fully Grown Marijuana Plants ang nadiskubre ng mga awtoridad sa Sitio Ili, Tacadang, Kibungan, Benguet nito lamang ika-6 ng Nobyembre 2024.
Naging matagumpay ang nasabing operasyon na isinagawa ng pinagsanib na pwersa ng mga operatiba na pinangunahan ng Kibungan MPS, PDEU at PIU, Benguet PPO, katuwang ang RID, PRO-CAR, PIT Benguet, RIU 14, at ang PDEA-CAR.
Ayon pa kay Police Colonel Joseph P Bayongasan, Provincial Director ng Benguet Police Provincial Office, ang operasyon ay nagresulta sa pagkadiskubre ng isang plantasyon ng marijuana na may lawak na mahigit kumulang 400 square meters at may nakatanim na mahigit kumulang 2,000 pieces ng Fully Grown Marijuana Plants na nagkakahalaga umano ng Php400,000 Standard Drug Price.
Samantala, ang mga nadiskubreng Fully Grown Marijuana Plants ay agad namang binunot at sinunog sa mismong lugar.
Ang pagpuksang ito ng Benguet PNP ay bilang pagsuporta sa isinusulong ng Pangulong Ferdinand R Marcos Jr na Whole-of-Nation Approach na kinakailangan para masugpo ang paglaganap ng ipinagbabawal na gamot at maging illegal drug-free ang bansa.
