Zamboanga City – Nasabat ang tinatayang Php4,935,000 na halaga ng assorted smuggled cigarettes sa isinagawang seaborne patrol ng mga awtoridad nito lamang Marso 21, 2023.
Kinilala ni Police Colonel Alexander Lorenzo, City Director ng Zamboanga City Police Office, ang mga naarestong suspek na sina alyas “Emmar”, 21; alyas “Idil”, 34; alyas “Benladin”, 21; at alyas “Munil”, 20, pawang mga residente ng Brgy. Lagasab Higad, Parang, Sulu.
Ayon kay PCol Lorenzo, bandang 10:35 ng gabi nang mahuli ang mga suspek sa karagatan ng Brgy. Arena Blanco, Zamboanga City lulan ng bangkang de-motor na tinatawag na “Jungkong” na may markang “LGU-ZAM-TGTBN-15-14 ng mga operatiba ng 2nd Zamboanga City Mobile Force Company”, Bureau of Customs Intelligence and Investigation Service at Enforcement and Security Service.
Nasabat mula sa mga suspek ang 93 master cases ng champion menthol at 48 master cases ng hero red na tinatayang nagkakahalaga ng Php4,935.000.
Nahaharap ang mga suspek sa kasong paglabag sa Sec. 1401 (Unlawful Importation or Exportation) ng RA 10863 na kilala rin bilang Customs Modernization and Tariff Act (CMTA).
Ang Pambansang Pulisya ay nagpapaalala sa mamamayan na huwag gumawa ng ano mang ilegal na gawain o aktibidad upang hindi humantong sa pagkakakulong.
Panulat ni Patrolman John Ronald Tumonong/RPCADU 9
