Kalinga (December 23, 2021) – Bandang 10:30 ng umaga noong ika-23 ng Disyembre 2021, narekober ng mga pulis na nagsasagawa ng checkpoint ang mga bricks ng hinihinalang marijuana na nagkakahalaga ng Php4,800,000 sa Bantay, Tabuk City, Kalinga.
Alinsunod dito, nasamsam ng magkasanib na puwersa ng mga alagad ng batas sa pangunguna ng Tabuk City Police Station ang 40 pirasong bricks ng tuyong dahon ng marijuana at tangkay na humigit-kumulang 40,000 gramo ang bigat.
Samantala, ang nasabing joint operation sa pangunguna nina PLtCol Dinulong B Tombali, PLtCol Armando Lorete, PLt Tyrone John B Balanay at PSMS Lito P Labutan sa ilalim ng pangangasiwa ni PCol Davy Vicente Limmong ay nagresulta sa pagkakadakip ng tatlong (3) suspek kung saan dalawang (2) suspek ay mga residente ng Quezon City at isa (1) mula sa Navotas City, Metro Manila.
Bukod sa mga drug items, nakumpiska sa mga naarestong suspek ang apat (4) na piraso ng android cellular phones, vaccine cards, official receipt at certificate of registration ng isang (1) unit ng Toyota Innova na may plate number ZLP 182, iba’t ibang gamot, sari-saring susi, itim na vape, bote ng vape na naglalaman ng juice, at Phil Health ID.
Isinagawa ang imbentaryo sa mga ebidensya na sinaksihan ng Barangay Captain ng Bantay, Tabuk City, Kalinga at kinatawan ng Media.
Ang mga naarestong suspek ay dinala sa Tabuk CPS para sa tamang disposisyon at paghain ng kaukulang kaso.
#####
Panulat ni: Police Staff Sergeant Amyl C Cacliong
