Dumaguete City– Tinatayang Php4,760,000 halaga ng shabu ang nasabat sa buy-bust operation ng pulisya ng Dumaguete City, Negros Oriental nito lamang Miyerkules, Marso 9, 2022.
Kinilala ni PBGen Eduardo Roque Vega, Regional Director, Police Regional Office 7, ang suspek na si Pnedathon Ramos Azes, 33, residente ng Purok Camia, Barangay Calindagan, Dumaguete City.
Ayon kay PBGen Vega, naaresto si Azes bandang 8:07 ng gabi sa Barangay Bajumpandan sa pinagsanib puwersa ng mga operatiba ng Provincial Drug Enforcement Unit, Dumaguete City Police Station at Regional Police Drug Enforcement Unit 7.
Ayon pa kay PBGen Vega, nakuha sa suspek ang 700 gramo ng hinihinalang shabu na may tinatayang halaga na Php4,760,000, buy-bust money at mga bag.
Nahaharap si Azes sa kasong paglabag sa Sec. 5 at 11 ng RA 9165 o Comprehensive Dangerous Drugs Act of 2002.
“Pinupuri ko ang mga operating unit para sa positibong resulta ng operasyon. Seryoso ang Police Regional Office 7 sa pagsusumikap nito laban sa kriminalidad sa rehiyon. Para sa mga nakikibahagi pa rin sa mga ilegal na gawain, hindi kayo welcome dito”, ani PBGen Vega.
###
Panulat ni Patrolman Aivan Guisadio
