Tinatayang Php4,400,000 halaga ng Fully Grown Marijuana Plants ang nadiskubre ng mga otoridad sa isinagawang marijuana eradication sa Sitio Bangao, Kayapa, Bakun, Benguet nito lamang Linggo ika-15 ng Septyembre 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pinagsanib na pwersa ng mga pulisya sa pangunguna ng Bakun Municipal Police Station katuwang ang mga tauhan ng Provincial Intelligence Unit/Provincial Drug Enforcement Unit, Benguet Police Provincial Office, Regional Intelligence Division, Police Regional Office CAR at Philippine Drug Enforcement Agency Cordillera.
Nagresulta ang operasyon sa pagkakadiskubre ng tatlong plantasyon ng marijuana na may tinatayang kabuuang lawak na 2,200 square meters at may nakatanim na 22,000 pirasong Fully Grown Marijuana Plants na nagkakahalaga ng Php4,400,000 Standard Drug Price.
Bagama’t walang nahuling cultivator, lahat ng nadiskubreng marijuana ay naidokumento at sinunog sa mismong lugar.
Ang pagpuksang ito ng PNP ay nagpapakita ng pagsuporta sa kasalukuyang administrasyon na naglalayong maging ilegal drug free ang ating bansa.
