Bacolod City – Tinatayang Php4,318,000 halaga ng shabu ang nasamsam sa isinagawang buy-bust operation ng PNP sa Purok Masinadyahon, Brgy. Pahanocoy, Bacolod City nito lamang ika-14 ng Agosto 2022.
Kinilala ni Police Major Joery T Puerto, Station Commander ng Police Station 8, Bacolod City Police Office, ang nahuli na si Ahzer Villarosa y Gregorio, 36, may asawa at residente ng nabanggit na lugar.
Ayon kay PMaj Puerto, naaresto si Villarosa ng mga operatiba ng Station Drug Enforcement Team, Police Station matapos itong magbenta ng isang pakete ng hinihanalang shabu sa isang police poseur buyer kapalit ng isang libong piso.
Nakuha din sa suspek ang pitong piraso ng malalaking pakete ng hinihinalang shabu na tumitimbang ng 635 na gramo at nagkakahalaga ng Php4,318, 000.
Ayon pa kay PMaj Puerto, matagal ng minamanmanan ng mga operatiba si Villarosa na isang Street Level Individual sa syudad ng Bacolod.
Nahaharap ang suspek sa kasong paglabag sa R.A. 9165 o ang Comprehensive Dangerous Drugs Act of 2022.
Ang Bacolod City PNP ay hindi titigil sa pagsugpo ng mga ilegal na aktibidad partikular na sa pagpapalagap ng ipinagbabawal na droga sa kanilang nasasakupan.
###
