Taguig City – Tinatayang Php4,250,000 milyong halaga ng shabu ang nakumpiska sa apat na suspek sa buy-bust ng Taguig City PNP nito lamang Miyerkules, Abril 13, 2022.
Kinilala ni District Director Police Brigadier General Jimili Macaraeg ng Southern Police District ang mga suspek na sina Amerigo Baldos y Del Puso, 39; Benedicto Barcelona y Niere, 50; Johncin Ochea y Mariquit, 24; at Francis Barcelona y Neire, 24, pawang mga High Value Individual.
Ayon kay PBGen Macaraeg, dakong 7:35 ng gabi nahuli ang mga suspek sa #83 Labao St. Brgy. Ligid-Tipas, Taguig City ng pinagsanib puwersa ng District Drug Enforcement Unit-SPD, DID, DMFB-SPD, Sub-Station 5 ng Taguig City Police Station at PDEA.
Ayon pa kay PBGen Macaraeg, nakumpiska mula sa mga suspek ang pitong pirasong buhol ng transparent plastic packs na naglalaman ng humigit-kumulang 625 gramo ng hinihinalang shabu na nagkakahalaga ng Php4,250,000, isang genuine Php1,000 bill, 42 pirasong Php1,000 na ginamit bilang boodle money, isang lalagyan ng face mask, isang black digital weighing at dalawang yellow eco bag.
Mahaharap ang apat sa kasong paglabag sa Sections 5 at 11 ng Article II ng RA 9165 o Comprehensive Dangerous Drugs Act of 2002.
“I would like to congratulate our operating units for another laudable accomplishment. We will remain aggressive in our fight against illegal drugs, yan ang pangako natin,” ani PBGen Macaraeg.
Source: SPD PIO
###
Panulat ni PSSg Remelin Gargantos
