Bacolod City – Umabot sa Php4 milyong halaga ng shabu ang nasamsam sa ikinasang buy-bust operation Bacolod City Drug Enforcement Unit-BCPO at Station Drug Enforcement Team ng Police Station 2-BCPO sa Purok Tangigue, Brgy. 1, Bacolod City noong ika-9 ng Pebrero 2023.
Kinilala ni Police Captain Joven Mogato, Unit Chief ng BCDEU, ang mga nahuling suspek na sina Jhonie Cabrillos, 27 at si Eric Aguirre, 22, parehong residente ng nasambit na lugar at tinaguriang mga High Value Individual sa naturang syudad.
Ayon kay Police Captain Mogato, nahuli ang dalawa matapos silang magbenta ng isang pakete ng hinihinalang shabu sa isang police poseur buyer sa halagang Php3,000.
Nakuha mula sa posesyon nila Aguirre at Cabrillos ang may kabuuang 600 gramo ng pinaghihinalaang shabu na nagkakalaga ng Php4,080,000, Php3,000 buy-bust money, coin purse, at sling bag.
Ang dalawa ay matagal ng nasa listahan ng Drugs Watchlist ng Bacolod City PNP, si Eric Aguirre ay dati ng nasangkot sa droga noong 2018 ngunit nakalabas noong 2019 at si Cabrillos naman ay sangkot din sa ilegal na pagsusugal.
Nahaharap sa kasong paglabag sa R.A 9165 o ang Comprehensive Dengerous Drugs Act of 2002 ang mga suspek.
Ang matagumpay na operasyon ay bunga ng mas pinaigting na kampanya kontra ilegal na droga ng Bacolod City PNP upang tuluyang mawakasan ang pagkalat ng ilegal na droga sa syudad ng Bacolod, gayundin sa pagpanatili ng kaayusan, kapayapaan tungo sa kaunlaran ng kanilang nasasakupan.
