Indanan, Sulu – Nasabat ng mga tauhan ng Indanan MPS ang tinatayang Php3,000,091 halaga ng smuggled na sigarilyo sa BJ pier, Brgy. Buansa, Indanan, Sulu noong Setyembre 4, 2022.
Ayon kay PMaj Edwin Sapa, Chief of Police, Indanan Municipal Police Station, ay nasa 300 assorted na kahong smuggled na sigarilyo na iniwan sa lugar ng hindi pa nakikilalang mga suspek.
Kabilang dito ang 220 kahon ng Famous, 69 kahon ng Vision, at 11 kahon ng Cannon na sigarilyo.
Ito ay kaugnay sa maigting na pagpapatupad ng R.A. 8424 o “National Internal Revenue Code” at R.A. 10863 o “Custom Modernization and Tariff Act”
Ang mga nakumpiskang smuggled na sigarilyo ay dinala sa Indanan MPS para sa dokumentasyon at ituturn-over sa Bureau of Customs Sulu para sa kaukulang disposisyon.
Ang PNP ay mas hihigpitan ang pagpapatrolya sa lugar ng sa gayon ay wala ng maipuslit na kontrabando sa lugar at nagpapaalala na huwag tumangkilik ng anumang produkto na hindi dumaan sa tamang proseso.
Panulat ni Patrolman Mark Vincent Valencia
