Cagayan de Oro City – Nasabat ang tinatayang Php3,060,000 halaga ng shabu ng mga operatiba ng City Drug Enforcement Unit ng Cagayan de Oro City Police Office sa ikinasang buy-bust operation sa 9th Street, Brgy. Nazareth, Cagayan de Oro City nito lamang Abril 11, 2023.
Kinilala ni Police Major Aldren Baculio, Officer-In-Charge ng Cagayan de Oro City Drug Enforcement Unit, ang suspek na si alyas “Michael”, 33, residente ng Zone 8, Zayas, Brgy. Carmen.
Ayon kay PMaj Baculio, bandang 2:10 ng madaling araw nang maaresto ang suspek na nagresulta sa pagkarekober ng 450 gramo ng hinahinalang shabu na may tinatayang halaga na Php3,060,000, tatlong pirasong ng Php1,000 bill na ginamit bilang buy-bust money at isang kulay white na bag.
Nahaharap ang suspek sa kasong paglabag sa Republic Act 9165 o ang Comprehensive Dangerous Drugs Act of 2002.
Patuloy naman na pinagbubuti ng buong hanay ng Cagayan de Oro City Police ang pagpapaigting sa kampanya kontra ilegal na droga para matiyak ang kaayusan, kaligtasan at kapayapaan ng komunidad.
