Caloocan City – Umabot sa Php3 milyong halaga ang nasabat na shabu sa isang lalaking tinaguriang High Value Individual ng Caloocan City Police Station nito lamang Miyerkules, Hunyo 7, 2023.
Kinilala ni PBGen Ponce Rogelio Peñones Jr., District Director ng NPD, ang suspek sa pangalang Alnor (Pusher), 24, binata, walang trabaho at kasalukuyang naninirahan sa Block 54, Domato Avenue, Barangay 188, Caloocan City.
Ayon kay PBGen Peñones Jr, bandang 9:50 ng gabi naaresto ang suspek ng OCOP-DEU ng Caloocan CPS sa kahabaan ng Block 54, Domato Avenue, Barangay 188, Caloocan City matapos magbenta ng isang piraso ng medium heat-sealed transparent plastic sachet na naglalaman ng pinaniniwalaang shabu kay PSSg Saez na umaktong poseur buyer kapalit ng buy-bust/boodle money.
Nasamsam sa suspek ang dalawang medium heat-sealed at apat na knot-tied transparent plastic sachet na parehong naglalaman ng pinaniniwalaang shabu na may kabuuang timbang na 450 gramo at nagkakahalaga ng Php3,060,000; at isang tunay na Php1,000 na may kasamang 25 piraso na Php1,000 na boodle money na ginamit sa operasyon.
Kasong paglabag sa Seksyon 5 at 11 ng Artikulo II ng R.A. 9165 o Comprehensive Dangerous Drugs Act of 2002 ang kahaharapin ng suspek.
“Pinuri ni PMGen Edgar Alan O Okubo, Regional Director ng NCRPO, ang Caloocan City Police Station dahil sa kanilang walang patid na dedikasyon at pakikipagtulungan sa komunidad upang labanan ang ilegal na droga at mapanatili ang kapayapaan at kaayusan sa loob ng komunidad.”
Source: NPD PIO
Panulat ni PSSg Remelin M Gargantos
