Narekober ang tinatayang Php399,000 halaga ng smuggled cigarettes sa isinagawang anti-smuggling operation ng mga awtoridad sa Barangay Tandu Bagua, Patikul, Sulu noong ika-14 ng Hulyo 2024.
Ayon kay Police Major Kier John C Leaño, Chief of Police ng Patikul Municipal Police Station, bandang 11:30 ng gabi nang ikasa ng Patikul Municipal Police Station katuwang ang 4th Regional Mobile Force Company RMFB 14 at 1st Provincial Mobile Force Company Sulu na nagresulta sa pagkakarekober ng kahong-kahon na hinihinalang smuggled na sigarilyo.
Narekober mula sa naturang operasyon ang pitong kahon ng Hero cigarette brand na nagkakahalagang Php399,000.
Patuloy ang Sulu PNP sa pagpapaigting ng kampanya kontra smuggled cigarettes upang masiguro ang kaligtasan ng bawat mamamayan.
Panulat ni Patrolwoman Veronica Laggui
