San Mateo, Rizal – Tinatayang Php394,400 halaga ng shabu ang nasabat sa dalawang suspek sa ikinasang buy-bust operation ng San Mateo PNP nito lamang Biyernes, Oktubre 7, 2022.
Kinilala ni Police Brigadier General Jose Melencio Nartatez Jr, Regional Director ng Police Regional Office 4A, ang dalawang suspek na sina Jay Ar Simborio Y Dayrit alyas “Boris”, 37, walang asawa, Toktok rider, residente ng #14 Diamond Street, Brgy. Banaba, San Mateo, Rizal, High Value Individual (HVI) at Geovannie Soliguen Y Santos alyas “Joan”, 34, may asawa, aircon technician, residente ng #46 Pelbel Street, Brgy. Sta. Ana, San Mateo, Rizal.
Ayon kay PBGen Nartatez Jr, bandang 3:45 ng umaga naaresto ang suspek sa Santiago Street, Ciudad Licel, Bgry. Banaba, San Mateo, Rizal ng operatiba ng Drug Enforcement Team/Intel ng San Mateo Municipal Police Station.
Narekober sa suspek ang 14 pirasong heat-sealed transparent plastic sachets ng hinihinalang shabu na may timbang na 58 gramo at tinatayang nagkakahalaga ng Php394,400, isang pirasong Php1,000 bill bilang marked money, isang pirasong Php500 bill, isang brown coin purse at isang driver’s license, isang motorsiklo na Yamaha Mio Soul na may Plate # na MV file # 1303-0167719 at susi ng motorsiklo.
Nahaharap ang dalawang suspek sa kasong paglabag sa Section 5 at 11, Article ll ng Republic Act 9165 o Comprehensive Dangerous Drugs Act of 2002.
Ang San Mateo PNP ay lalo pang paigtingin ang kampanya laban sa ilegal na droga para sa ligtas, maayos at mapayapang komunidad.
Source: Police Regional Office 4A
Panulat ni Police Staff Sergeant Donabel Dulin
